Inama y’Abaminisitiri yakoze impinduka mu buyobozi bw’Intara y’amajyepfo
Kuri uyu wa kane tariki ya 25 Mata inama y’Abaminisitiri yateranye yemeza Nshimiyimana Vedaste nk’Umunyamabanga Nshingwabikorwa w’Intara y’Amajyepfo asimbuye Bikomo Alfred ndetse na Pascal Ngendahayo agirwa Umunyamabanga Nshingwabikorwa w’Intara y’Amajyaruguru asimbuye Nzabonimpa Emmanuel.
Abandi bayobozi bahawe imyanya harimo Akalia Barbara wagizwe Umuyobozi ushinzwe gukumira ibiza bikomoka ku mikorere yo munda y’Isi,mu kigo cy’igihugu gishinzwe Mine Petaroli na Gaz(RMB).
Mugire Esther yagizwe Umuyobozi Mukuru muri Minisiteri y’Ubutegetsi bw’igihugu ushinze kugenzura inzego zibanze.Muri iyi Minisiteri kandi Boniface Ruterana yagizwe Umuyobozi Mukuru ushinzwe imiyoborere no kwegereza ubuyobozi abaturage,Kayigana Godfrey yagizwe Umuyobozi ushinzwe imibereho myiza y’abaturage n’iterambere.
Pascal Gashumba yagizwe Umuyobozi w’Ishami rishinzwe igenamigambi ry’inzego zibanze naho Maurice Nsabibaruta agirwa Umuyobozi w’Ishami rishinzwe iterambere ry’abuturage no guhuza ibikorwa.