Perezida Trump amaze kurahirira kuyobora Amerika yahise asinya amategeko 10 yihuse

Perezida Donald Trump akimara kurahirira kuyobora ku nshuro ya kabiri Leta Zunze Ubumwe za Amerika, yahise asinya amategeko mashya 10 mu mategeko arenga 100 ateganya guhindura mu maguru mashya.

Ku mugoroba wo kuri uyu wa Mbere mu Rwanda, hari ku manywa y’ihangu muri Leta Zunze Ubumwe za Amerika mu mujyi wa Washington DC ni bwo Perezida Donald Trump yarahiriraga kongera kuyobora Amerika muri Manda y’imyaka ine iri imbere.

Nyuma yo kurahira, Perezida Donald Trump yahise ashyira umukono ku mategeko 10 ya mbere nka Perezida wa Amerika. Muri ayo mategeko yasinyeho ni;

1. Donald Trump yahise asinya itegeko ryo kwikura mu muryango wita ku buzima (World Health Organisation). Amerika yatangaga 18% by’amafranga akoreshwa n’uyu muryango binyuze mu nkunga yatangaga. Kuri ubu, ntabwo izongera kugira andi mafaranga itanga muri uyu murango. Mu mwaka wa 2024-2025, Amerika yari yaratanze Miliyari 6.8$.
2. Gukuraho ubwenegihugu bwatangwaga ku bana bavukiye muri Leta Zunze Ubumwe za Amerika. Iri tegeko ryavugaga ko umwana wavukiye ku butaka bwa Leta Zunze Ubumwe za Amerika ahabwa ubwenegihugu hatitawe ku buryo umubyeyi we yageze muri icyo gihugu ibyo akaba ari byo Donald Trump yifuje gukuraho.
3. Guhindurira izina umugezi wa “Gulf of Mexico” ukitwa “Gulf of America” nka kimwe mu bigaragaza ko Amerika ariyo ashyize imbere.
4. Gukuraho itegeko ryo kugurisha no kugura imodoka zikoresha amashanyarazi gusa muri Leta Zunze Ubumwe za Amerika. Ubwo yasinyaga iri tegeko, Donald Trump yagize ati “Leta Zunze Ubumwe za Amerika ntizasenya inganda zacu bwite mu gihe u Bushinwa bukomeza kwangiza ibidukikije nta nkomyi.”
5. Donald Trump yahise asinya itegeko ritegeka abakozi ba Leta bose kugaruka mu kazi kandi bagakora iminsi yose nk’uko byagenwe aho gukora mu byiciro. Yashyizeho n’andi mategeko agenga umukozi wa leta mu kazi n’uburyo bwo kujya no kuva mu kazi ka Leta.

Perezida Trump yatangiye gukora impinduka zikomeye muri Amerika