Uganda: Umuhungu wa Museveni ‘Jenerali Muhoozi Kainerugaba‘ avuga ko yifuza guca umutwe Bobi Wine
Umukuru w’igisirikare cya Uganda, Jenerali Muhoozi Kainerugaba , akaba n’umuhungu wa Perezida Yoweri Museveni umaze imyaka 39 ku butegetsi bw’iki gihugu avuga ko ashaka guca umutwe Bobi Wine, umunyaporitike atavuga rumwe n’ubutegetsi bwa papa we.
Mu butumwa yanditse k’umugoroba wo ku cyumweru, tariki ya 5 Mutarama 2025, ku rubuga X rwahoze ruzwi nka Twitter, Kainerugaba yavuze ko papa we uyoboye Uganda kuva mu 1986 ari we muntu wenyine ukingiye Bobi Wine ikibaba “kugira ngo ntamuca umutwe”.
Jenerali Kainerugaba akunze kwandika amagambo akomeye ku mbuga nkoranyambaga ze cyane cyane kuri X, harimo ibyo yigeze kwandika mu 2022, aho yavuga ko yatera igihugu cy’igituranyi cya Kenya. Icyo gihe se yabisabiye imbabazi.
Hari haciye iminsi itari mike adaherutse kwandika bene ayo magambo ibihugu bimwe bimwe bifata nk’ugushotorana no kwica imigenderanire myiza y’igihugu cya Uganda n’ibindi bihugu.
Mu kwezi gushize niho yongeye kwandika. Mu minsi ibiri ikurikirana, ibihugu bya Repururika ya Demokrasi ya Congo na Sudan byasabye Uganda gutanga ibisobanuro ku magambo yabyanditseho.
Muri ubwo butumwa, yanditse ati: “Iyaba mutama atari muzima, uno musi namuca umutwe”.
Mu matora y’umukuru w’igihugu ya 2021, Robert Kyagulanyi, uzwi cyane nka Bobi Wine, yabaye uwa kabiri nyuma ya Museveni, na we yasubije anyuze kuri X ko adatewe ubwoba n’aya magambo y’iterabwoba, aho avuga ko bamaze kugerageza incuro zitari nke kumwica mu misi ishize.
Kainerugaba ntiyahagarariye aho, aho yahise asibiza Wobi Wine ati: “Aho rero! Ndagukanguye? Mbere y’uko nguca umutwe, ubanze usubize amafaranga twaguhaye “. Avuga ko leta yari yaraguze Bobi Wine mbere y’aha kugira ngo acubye abatavuga rumwe n’ubutegetsi.
Igitangazamuru ‘BBC’ kivuga ko cyashatse Kainerugaba ubwe cyangwa se abavugizi ba leta kugira ngo bagire icyo bavuga kuri ano magambo ye ariko ntibashotse kuboneka, umuvugizi w’igisirikare nawe akaba yaranze kugira icyo abivugaho.
Bobi Wine, umunyamuziki uzwi cyane akaba asa nk’uwabiparitse akiinjira muri poritike, ni we munyaporitike ubangamiye ubutegetsi bwa Museveni kurusha abandi bose. Yanze kwemera ibyavuye mu matora ya 2021, avuga ko nta mutekano na mba afite.
