USA: Bane bapfuye mu myigaragambyo y’abashigikiye Trump ku ngoro ya Capitol (Amafoto)

Abantu bane bapfuye baguye mu myigaragambyo y’abashigikiye Perezida Donald Trump batera ingoro y’inama nshingamategeko izwi nka, Capitol.

Umugore umwe yarashwe n’abapolisi, abandi bantu batatu bapfuye kubera batabonye “ubutabazi bwihutirwa”.

Uyo mugore warashwe ibinyamakuru byo muri Amerika bivuga ko yahoze ari mu ngabo za US Air Force, akaba yari mu bantu bari imbere binjira ku ngufu mu cyumba abadepite bateranimo.

Abandi bapfuye bivugwa ko ari abagabo babiri n’umugore umwe.

Igipolisi kivuga ko cyafunze abantu 52 – muri bo 47 bazira kurenga ku mategeko y’umukwabu.

Byabaye ngombwa ko inama rusange y’abadepite n’abasenateri ibanza guhagarara nyuma y’aho abashyigikiye Perezida Trump batereye iyi ngoro.

Igiporisi gikorera kuri Capitol cyabujije urujya n’uruza icyo gihe maze gisaba abari mu ngoro bose guhunga.

Imbere y’uko ibi biba, Perezida Donald Trump yari yafashe ijambo hanze y’ibiro bye ryo kubatera ingabo mu bitugu ngo bakomeze imyigaragambyo yo kutishimira ibyavuye mu matora.

Src: BBC

Leave a Reply

Your email address will not be published. Required fields are marked *

Share