Abanyeshuri 2 bo muri Kaminuza barohamye mu mugezi bari kwifotoza ‘Selfie’

Abanyeshuri babiri bo muri Kaminuza ziri mu Mujyi wa Nairobi muri Kenya, barohamye mu mugezi wa Yala ubwo bageragezaga kwiforora Selfie bari ku ngombe z’uwo mugezi.

Byabaye kuri uyu wa Gatandatu tariki 3 Ugushyingo 2018, ubwo aba banyeshuri bombi bari bagiye gutembera.

Aba banyeshuri bombi bahuye n’uruva gusenya ni Derrick Auka wigaga mu mwaka wa Gatatu muri Kaminuza ya Jaramogi Oginga Odinga na Sharon Atieno wo muri Kaminuza ya Bondo Technical Training Institute zose ziherereye mu Mujyi wa Nairobi.

Citizen TV dukesha iyi nkuru ivuga ko aba banyeshuri bari bagiye mu butembere, barohamye mu mugezi wa Yala ubwo bageragezaga kwifata amafoto mu uburyo bwa Selfie buharawe cyane n’urubyiruko, bahagaze ku kiraro kizwi ku izina rya Winyo.

Umuyobozi wo mu gace ka Bonda uyu mugezi uherereyemo, yatangarije Citizen ko Sharon yaguye mu mugezi ubwo barimo bifotora, hanyuma Auka amusangamo ajya kumurohora bose bakarohama.

 

Murenzi Yannick                                                                                                                                                               Impuruza.net

Leave a Reply

Your email address will not be published. Required fields are marked *